Oté

« La rishèss lé konm poil dann né : si wi arash bonpé i fé mal, si wi arash in pti pé i fé mal kant mèm »

In kozman pou la rout

Justin / 4 zanvié 2021

JPEG - 43.6 ko

Médam, zé Méssyé, la sosyété koz èk mwin sé koz èk in kouyon mé sé o pyé d’lo mir i oi lo vré masson. Mézami, provèrb-la sé in provèrb malgash. Li fé konprann anou oman in rish léatashé avèk son fortine. Si tèlman ké pèrd in bonpé, é pèrd in pti pé, pou lo rish sé lo mèm zafèr. i fo dir in pé partou dsi la tèr, nou lé konm fine vnir matéryalist : la valèr sé lo bien ou néna. Opliss ou néna dé valèr matèryèl, opliss ou néna moinzanmoin bann valèr spirityèl. Lé domaz mé lé konmsa é lé bien difisi alé dann sans kon trèr lo kouran. Alor, bann fitir rish, mi invite azot rofléshi dsi kékshoz konmsa é, ni artrouv pli d’van. Sipétadyé.