13 zwin 2007
Noré di, pandan la kanpagn éléktoral, nouvo prézidan la répiblik lavé konm in baguèt mazik. Noré di li lavé in résèt pou fé goumant larzan.
Alor ou té antan ali dir : i lès arpa tro kouri bann défisit bidzétèr ! S’pandan va limit lo boukliyé fiskal ! Va siprime bann droi pou érité ! Va bès bann kotizasion sékirité sosyal ! Va goumant lo bann z’èr siplémantèr... I pèy arpa linpo dési... étsétéra, la ké lo ra !
La nuit demoun i rèv : tout lé mazik ! Granmatin i révèy : bann vyé doulèr koudkogn i arvien ! Pou moin, la ni tard pa révéyé la : ni antan déza konm inn dé son ni èm pa .
I fo mèt droit lasirans maladi. Va mèt in spès franshiz dési : la pa in ëro, sar dis épi sar pa riyink sï vizit médsin, sar galman sï lanaliz, lo radio, lo médikaman. Va mèt in TVA sosyal, siou plé ! soman ou va pèy sa sï out dé-pti komisyon. Va réform lo RMI. Va... la list lé long !
Ay-ay-ay ! Boug-la, i sar mèt anou dir la ! Pa bann rish : pou zot sé alèz-Blèz ! Mé pou bann ti kolon, sar pa parèy ! Kant a bann finans La Frans ? La dan la poin mirak ! Konm diré l’ot :
« La rob Fifine lé kourt, koup par an-o, alonz an-ba ! »
Justin
Rentrée scolaire à La Réunion : les communes avancent en ordre dispersé face à la baisse de l’argent de la France pour les PEC
Mézami shak ané, kan i ariv pou koup kann — é kan néna késhoz pou koupé — néna demoune apré s’plègn pars issi La Rényon néna pi d’koupèr d’kann é (…)
In kozman pou la rout
180 litres d’eau par jour et par personne, plus de 30 % de fuite dans les canalisations : droit dans le mur
Des administrations françaises cibles de plusieurs cyberattaques dans notre région
Journée internationale de la jeunesse sous le signe de la révolution technologoque
Impact de conflits lointains dans un pays insulaire dépendant de lointaines importations
180 litres d’eau par jour par personne : droit dans le mur
Combattre les causes du chômage de masse
À La Réunion l’école est obligatoire et doit être gratuite
Accélération de la crise du système néocolonial
Lutte des Chagossiens
