Mézami, kozman moin la mar an-o la, ikomans a daté. Ma mèr-konm ni di rant yab - téi di déza sa é néna bèlaz é botan èl la fine kite nout mond pou alé l’ot koté. Sans prop, la pa bézoin sort lékol politéknik pou konprann ali. Mé sans figiré ? I étoneré pa moin sa lé né dann tan la guèr, kan d’moun lété boinpé mizèr. Zordi ankor, pou in bonpé d’moun lo kinz lo moi zot lé a sèk. Sak lé a flo lé a flo, mé sak lé a sèk lé a sèk. Par l’fète, néna lontan mi antann dir i sava éfas la grann mizèr isi La Rényon, mé oplis i antann dir, oplis èl lé la. Lé vré néna d’moun pli pov d’ot landroi, mé la pa pou sa ni doi kontant anou. Alor, in gran péi konm La frans i vien pa abou siprime la mizèr... Lé pa for touléka. Alé ! Mi kite azot rofléshi la dsi é ni artrouv pli d’van. Sipétadyé.