Mézami zot i koné la sand, zot i koné sharbon é lé dë sé lo boi transformé dabor an sharbon, aprésa an brèz, épi final de konte li vien an sand. Mé pou kossa kréol i di sa ? Sinploman pou dir, malgré sa, lé dé lé pa parèye.

Dë frèrs néna mèm papa épi mèm momon, mé zot lé pa forséman parèye késtyonn santiman, késtyonn kraktèr, késtyonn kapassité, é lé dë i amenn pa la vi forsséman parèye, zot na poin lo mèm réissite épi lo mèm léshèk.

Inn sé inn, é inn sé pa l’ote a mwins d’in azar... Sé pou sa mi kite azot rofléshi la dsi é ni rotrouv pli d’van, sipétadyé.

Justin