Sans prop ? Sa lé klèr konm lo d’rosh. Tout sak la fine fé in fé d’boi, ou kansréti la fine bien rogardé i konpran tout suit l’afèr : do fé i pran dann boi, épizapré lo boi i vien la brèz, épi z’apré ankor li vien la sann. Kan li lé an brèz li shof in bonpé (konbien dogré solon zot ? I paré in li la brèz i shof rant 800 épi 1000 dogré pou in tanpératira-po_pré 250 dogré dann lo foiyé) épi kan li lé an sann, li lé sho mé la pi sa. Sans figiré astèr : dizon plizyèr z’anfan dann in mèm famiy, mèm papa mèm momon, mé pa tout lé parèy, pa tout nana lo mèm kalité sansa lo mèm défo. La pa tout i réisi parèy dan la vi. Tout fason shakinn nana son pèrsonalité.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké, rant-rant, ni pé z’ète, tazantan, dakor rantre nou.