Sin-Dni, néna in sapèl Saint Thomas bande zindien dé zané dé zané sa lé an dégréné é mwin lé sir demoune la kapital téi oi sa dégrinn firmazir avèk linpossiblilité d’ète réstoré. La shapèl-la lé fas-a-fas avèk kolèj Sin-Michel é mi pans li téi dépande l’égliz Saint-Jacques i tonm pa tro loin par rapor ali, dann la rue Mgr de Beaumont.

Shapèl-la la fé dann zané rante 1860 épi 1865 é sé lo promyé lévèk la Rénion Mgr Dépré la désside fé sa par raporte lévanzélizassion bande zangajé indien. L’avé par-la 38000 zangajé apré labolission lésklavaz é légliz katolik la désside fé tèr-la in landroi pou akèye nbande zangajé épi évanzéliz azot dann la rolijyon katolik. I prétan dir sé bande jésuite la fé moniman-la é mèm ké momandoné l’avé in prètre i koné la lang tamoule téi okipe lo shapèl.

La sapèl Saint Thomas des indiens la propoz son kandidatir pou in réstorassion dann kade loto di patrimoine..nou la aprande na pwin lontan son kandidatir té aksépté, in pa an avan pou la réstorassyon.

Samedi-dimanche 17-18 séktanb dann bande zoiné lo patrimoine avèk nora in lanimassyon dann shapèl-la é sak i vé konète bande projé i pé alé laba pou ransègn azot la dsu ; avèk in vizyon optimist dé shoz épi in l’invitassion : vien vizite la sapèl Saint Thomas des indiens « pou la dèrnyèr foi dann in léta konmsa ».

A bon ékoutèr-salu.

Justin