Mésyé, Médam, La sosyété, koz èk moin sé koz èk in kouyon mé sé o pyé d’lo mir k’i oi lo bon mason. Zordi, pou fé nout tour l’afrik an provèrb, ni sava Kongo dann péi Batéké. Sa in gran zone plato, plis sis milyon km2, i kouv in gran bout Gabon épi in bout kongo. Laba néna in park natirèl i apèl lo park bann plato. Mé pou arvnir dsi nout provèrb-dsi nout kozman konm mi di -, kosa sa i vé dir ? Sinploman la shans, konm la shiass, sa la pa in kékshoz demoun i déside. Sa i vien konmsa é pa par nout volonté. Mèm pa par la volonté bann sorsyé isi ni apèl tizanèr. Néna d’moun néna la shans : zot lé né konmsa. Néna d’moun néna la shiass : zot lé né konmsa... Néna d’moun shansé, konm na d’moun shyasé. Alé ! Mi kite azot rofléshi la dsi é ni artrouv pli d’van. Sipétadyé.