La méri d’Paris lavé antame in prosé kont lansien lékip minisipal - parlon plito in lékip “grangozié” - pou fré d’boush èkzorbitan. Ziska Ièr, la zistis’ la shoute an toush sou prétèks’ i mank in piès’ dann le prosédir. Rézilta, le zafèr na dé shans’ fini dann la poubèl !

In shans’ i aranz bien désèrtin. Si lansien mèr d’Paris, zordi Présidan la Répiblik, lété de toute fason a labri, lé pa lo ka son bann prosh konpagnon lépok. Le zèl la zistis’ i rann azot in fièfé sèrvis !!

Évidaman, in zafèr konmsa i ariv pa tou lé zour é pa forséman toute de moune. André Thien Ah Koon i doi sèrtènman, dopi ièr, tourn é artourn dann son tèt se pti dikton kréol : la shans’ le shat’ la pa la shans’ le shien !!!

Justin