Mi pans moin la fine anparl provèrb la. Moin la mèm lir kozman la par la plime in bon kamarad i viv dann sid. Bin alor zot va dir amoin pou kosa anparl sa zordi ankor ? Pars nana désèrtin kozman lé pli vivan ké d’ot. Kisoi dann la politik ! Kisoi dan l’aprofitasyon ! Kisoi dann lo réspé é lo mank réspé ! Kisoi ankor dann bann rolasyon rant lo moun la ote, sansa bann ti kolon. Sé zour isi nana in n‘afèr i rovien près tou lé zour, shak zour, sé la fason k’i trète bann rényoné kan zot i sava sèye trouv travaye déor, é désèrtin moun déor kan zot i vien travaye isi. Inn lé kaziman anbandoné sé nout ti kolon rényoné. L’ot lé shoushouté, transporté, kazolé, nouri, blanshi é sé lo monu déor i vie isi. Alé ! Mi lèss azot réfléshi la dsi é ni artrouv pli d’van sipétadyé.