Mézami, zordi mi panss kozman-la. Pou kossa ? Mi koné pa mé souvan dé fo néna pliss k’in koinssidans la dan, pliss k’in azar. Pétète inn shanss mwin la manké. Pétète kékshoz mwin té i panss lété tou kui, alé oir la brilé san k’mi prète atanssion.

An mèm tan sé in losson d’la vi sa. Sé pou dir anou shakinn son shanss dsi la tèr Bondyé mé kan sé oute tour sézi ali, lèss pa shapé-tienbo zèrb konm nou téi di dann in léspor inkroiyab i apèl « la krosh ». Mé la krosh sé la krosh mé la vi sé la vi, i fo konète tazantan trike in pé avèk bann bon prinssip. Ziss in pé.

Alé ! Mi d pa pliss, mi kite azot rofléshi la di éni rotrouv pli d’van, sipétadyé.

Justin