Médame zé Mssyé, la sossyété, so matin kan mwin la rouvère mon radio, mwin la antande kozman-la.

Mwin lé sir mwin la fine anparl de sa, mé konm i di ardi ankor n kou la pa in foi an tro. Pou kossa ? Pars souvan dé foi demoune lé zalou zot voizin pars zot i panss zot voizin néna d’la shanss é zot na poin. Poitan la shanss lé konmsa, èl i va ti vien é ou lé pa sir v’atrète dovan ou. In zour mi rapèl nou la parti in fète lékol é mon papa l’avé anvi gingn in boute boukané. L’èr-la li l’ashète lo pri stoke biyé pou ète sir li pèrde pa. Mé oila, mon kouzin Toto l’arivé gramoune lo kèr dsi la min la done ali in biyé. La tourn la rou é kou d’shyass sé lo kouzin la gagné li la domande in pti lapin pars li té pa la avèk lo boukané. Konte movèz fortine mon papa la fé bonkèr. Tanka lo kouzin li la zamé konète lo drame intéryèr mon papa té apré viv.

Alé ! Mi kite azot rofléshi la dsi é ni artrouv pli d’van. Sipétadyé.