Mézami, mi panss zot i koné in patoi konmsa pou la maladi : li ariv a shoval, li ropar a pyé. Sak i vé dir si ou la lèss oute éta dégradé, lé dir pou arfé vnir ali korèk apré. Si wi boir la rak é si oute foi lé sirozé, mi di pa wi gingn ar pa répar ali, mé konte pa an in zour.

In ote lébzanp, wi travaye bien lékol, épi toudinkou la kangn i monte dsi ou, oute note i dégringol é pou armonté sar difissil. Pa inpossib mé difissil pars i fo i trouv lo tik-tak k’i fo pou romante lo kouran é dé foi i artrouv pi.

Donk alon rofléshi avan lèss anou alé pars sé nou mèm lo poi sar o fé. Mi kite azot rofléshi la dsu é ni artrouv pli d’van. Sipétadyé.

Justin