Mézami, i fo ni méfyé la shiass pars la shiass néna gro vante é lé pli fassil d’ète dann in kouran d’shiass plito ké dann in kouran d’shanss… Zot la zamé romark kan ou néna la shiass — ni pé dir la movèz shanss — i fo ni porte atanssion sak ni fé pars san prévnir la movèz shanss i ariv é paf ! Ni tonm dedan.

Sa i pé z’ète vré pou lo travaye, pou la santé, pou la mizèr, pou lakssidan ziska pars toute bann zafèr mové ou la koni, lé possib sa i ronouvèl toudinkou. Sé pou sa bann zanssien téi di touzour la movèz shanss i fo méfyé. Ni vé ni vé pa, èl lé la épi riskab roproduir san k’wi atann.

Alé ! Mi kite azot rofléshir la dsi é ni artrouv pli dvan, sipétadyé.

Justin