Na in bonpé patoi i di in tablatir i ariv vite épi pou alé, li mète lo tan. I pé di konmsa pou la maladi : li ariv a shoval, li ropar a pyé. Konm pou in kourann shyass, konm in maléré sor. Konm pou in tablatir ou i tonm dodan toudinkou, konmsa, san prévnir. Mi antan souvan dé foi désèrtin apré di la « rou i tourn »… Soi ou i oi la vi an noir, l’èrla ou i pans san pour san sak bann kozman moin la mark an o la lé vré. Soi ou i oi la vi an roz é l’èrla ou i kroi pas an pour sans é la vérité. Dizon sa i mars la plipar d’tan avèk out moral koman li lé. Alé ! Mi lèss azot rofléshi la dsi é ni artrouv pli d’van sipétadyé