Mézami ni pé rogrété si ni vé, sansa ni pé pa rogrété si ni vé pa, mé la pa toute zafèr dsi la tère i pé batiz syanss ékzak. Néna la météo ! Zot i koné èl i di pa toultan lo kontrère d’la vérité. Néna la politik la pa in syanns égzak nonpli. Lédikasyon ? Ala in syanss na poin non pli inlindiss réisité k’i marsh dsi lo san pour san. Néna ossi la mèdsine ! zot i koné o final ni pèrde ébin sa lé dann nout natir mortèl. Ni pé dir ossi, malorozman, néna lo fass-a-fass rant lo pandémi é nou.

Souvan dé foi mi ékoute lo préfé apré s’anplègn dovan nou inn dé foi par somenn é l’apré anons anou toute bann mézir i fo pran pou ranz lo kovide dann tiroir souvnir. La fasson li di sa, i oi li kroi pa li mèlm dsi léfikasité bann mézir gouvèrnman la di ali : « Pran ! ». Sèl zafèr assiré pou li, sé lo sharjmann roprosh li sava gagné. Li lé sir i sava roprosh ali li la pa pran moman véni lo bann mértéi fo pran, si tèlman pou mwin kon m pou d’ote li l’apré amenn anou droite dann mir ni gingn ar pa kontourné kan lo zour v’arivé.

Kan ou lé an fass in problème, i fo wi rode la solission. Wi komanss par mète do koté toute bann solissyon la pa bann bone solission. Aprésa wi pran la bone solission vi l’éta épi la fors lo virus la fine ataké. Mé oila, final de konte kan wi koné pa kèl solissyon la pa bon-an touléka wi koné in pé mé pa toute. Arzoute èk sa wi koné pa non pli kèl solission lé bon, antouléka la pankor trouvé.kossa wi fé ?

Allo Paris mwi lé bien an-nuiyé, kossa i fo mi fé dann in ka konm sète zot i koné pa… Alo ! Mi fé parèye, étape par étape konm zot i fé laba ? Fé konmsa mé siouplé, fé konmsi ou lé konvinki. San ob liye dann mo la néna lo mo vinki é sa sé in n’afèr lé gagné s’avanss… Mé konm in kamarde téi di : « La solission lé dann lo problèm é lo problèm lé dann la solissyon »… Toute lé dan toute é invèrsman.