In kozman pou la rout

« La tèr lé pli gra dann bitasyon mon voizin »

15 avril 2017, sanm Justin

Kan mi lir kozman-la kosa sa i fé pans amoind’apré zot ? Mi souvien mon papa kan la guèr l’arivé, l’arète son travaye dann komèrs pou li alé plant la tèr. Li l’ashète in rin d’tèr pèrsone téi vé pa é mèm lo propriyétèr té i di : « La tèr la, sa lé bon arienk pou plant makaroni avèk do sèl ! ». Mon papa la mète a travaye la tèr : li la mète fimyé, li la shanj plantasyon in l’ané dsi dé é kan la guèr l’arivé son mayok lété kékshoz, parèy pou son patate, parèy pou lo mayi, lo pistash parèy, é bann pyé fouyapin lété pa sharjé arienk pou kozé. In zour lo l’ansien propriyétèr i vien fé in tour é li romark bann plantasion lé pli vanté ké dann tan li la vann lo tèr. Donk li la manj la raj épi li la di : « Vi oi, moin la pa vol aou, moin la vann aou la tèr gra. I sifi d’oir koman bann plantasyon i pous ! » Alé ! Mi lès azot fé travaye z’ot koko d’ tète la dsi é ni atrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus