Médam, zé méssyé, la sossyété, koz èk mwin sé koz èk in kouyon, mé sé o pyé d’lo mir k’i wa lo masson.

Mézami nou lé rantre nou, é ni pé di la kizine kréol lé pa tro konpliké é an parmi rougaye tomate lé fassil dan la fassilité. Astèr i vé pa dir pars li lé sinp, li sar fassil pou fèr ali bon. An atandan ni doi rokonète lé fassil fé in rougail tomate mé amenn la vi sinploman, ala in n’ote père d’mansh.

La vi mézami, néna dé o, é néna dé ba, in tan i spass bien, in tan lé an kouyon. Sé pou sa nout kozman an-o la lé souvan défoi in pé vré.LMé in pé i di ,la pa si tèlman la vi k’lé konpliké, sé nou k’lé konpliké. Nou lé égzizan avèk li, ni vé li amenn anou an kiyèr dorédarzan mé domaz, élas Ménélas mon kèr lé an filass .

Alé ! Mi kite azot rofléshi la dsi é ni artrouv pli d’van, sipétadyé.