Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami kozman mwin la mark an-o la sé in provèrb l’afrik . Li mète anou an garde par raporte toute kalité shanjman i ariv dan la vi :Lo bien avèk lo mal i marsh par kote.lo kapitol lé kosté sanm la rosh tarpéyène. Sak i ri vantredi, dimansh i plèr.

Donk sa i vé dir i fo ni pran la vi konm li ariv pars ni pé pa konète par avanss kossa la vi i rézèrv anou. Mé lo moune prévoyan i roganiz ali pou k’son vi, mèm si i shanj,i rèst inn bone vi pou li. Mé si ni suiv lo kozman,final de konte ni gingn pa tro pèze dsu nout vi.

Alé ! mi kite azot rofléshi la dsu é ni rotrouv pli d’van. Sipétadyé.