Médame, zé méssyé, koze èk mwin sé koze èk in kouyon mé sé o pyé d’lo mir k’i oi lo bon masson.

Mézami, mi pé dire azot mi yème kozman-la. Pou kossa ? Pars demoune i tonb pa dan la vi, sa i égzist pa. Demoune i tonb uit foi épi i rolève sète, malorozman sa i égzist ossi é sa i vé dire an dèrnyé li lé atèr. Demoune i tonb sète foi épi i rolèv uite, mi diré final de konte li lé d’boute é li la gingn son dèrnyé konba ; konm mi yème lo gagnan é mi souète toute sak mi yème i gagn, alor zot i konpran pou kossa mi yème kozman-la…

Mèm si mi trouv lé in pé égzazéré, tonbe sète foi, rolèv sète foi sa i pë. Mé uityème foi kan li rolèv, li sorte an-o pou alé an-o domaz i gingn pa. Mézami mi lèss azot rofléshi la dsi, mé o boute in néstan, arète pars lé sir zot va kass zote koko pou arien.

Alé ! Ni artrouv pli d’van.sipétadyé !