Sa in kozman, mi pans, zot tout i koné pars dann bann match souvan dé foi i di sa é mèm fdann la koup di mond moin la antann in komantèr apré di zafèr konmsa. Prèss aou si ou vé, mé prèss aou dousman. La pridans i tonm gro momon la sékirité. Konbien foi désèrtin i fil an flèsh épi i bros z’ot mizo atèr. Konbien foi moin la fine vi demoun kapote dann kivète alé oir pou zot zot i sava gingné. Sa lé pa vré arienk pou l’éspor sa ! Sa lé vré galman pou tout sak ou i fé dan la vi. Tro d’vitèss sé pèrd son tan.alé zis konm k’i fo é out afèr va marsh o poil. Sansa tansyon pangar. Alé ! Mi kite azot rofléshi la dsi é ni artrouv pli d’van. Sipétadyé !