Médame zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami mi koné pa si in pé rantre zot i koné lo patoi mwin la mark an-o la. Antouléka ,sa lété la répons bande jenn moune kan bande zadult di azot : « Grouye out kalbass ! dépèsh aou ! Fé la vitèss !  ». Zot i koné bande jenn i yèm pa kan i bouskil azot konmsa.Zordi i diré kan i strèss azot konmsa. Alor zot i vé bien préssé mé avèk limite.

La répons la plipar d’tan sé in fraz konm sak mwin la mark an-o la, mé mi pans pa si néna kékshoz a oir avèk la syans fizik pou kalkil lo tan ou pass la vitèss V zéro ziska la vitèss V mé pétète néna in rapor alé konète ou ! Sansa sé in sinp kozman pou invite la grande pèrsone d’ète in é pliss passyan.

Antouléka mi invite azot pou rofléshi la dsu é ni artrouv pli d’van. Sipétadyé.