Astèr mi sort oir mon frèr Axel é li la propoz konplète lo kozman avèk lo lékspréssion : « La paye kafé néna son poi. » é sé la ké lo problèm lé pozé a zot épi amwin an mèm tan. Pars kossa i lé la paye kafé ? Si mi tronp pa sé la kok i antour lo grain kafé. Li pèz pa arien mé pou kréol li néna son poi..épi li nénba son gou. Pou koué son gou ?

Pars mèm si li lé lézé li pèz kéksoz — konm l’èr avèk son i gram par lite.. Akoz son gou ? Pars avèk li ossi i gingn fé kafé. Lé pa konm lo grin griyé biensir mé sé in n’afèr lé bivab… Li lé bivab si lo moune i pé tir parti dsa é sak mi di azot sa lé vré pou vréman. La pa mwin la trouvé mé mi koné sé la vérité. Pars mwin la gouté.

Alé ! Mi kite azot fé divag zot léspri ladsi é ni rotrouv pli dvan, sipétadyé.

Justin