(page 16)

Mwin la tandi lo somaz an Frans i dépas 1 boug si 10. Sa i inkièt toulmoun la-ba. Vèy ou va war si i sa pa kri a la kriz, si l’inkiétid gouvèrnman i sa pa monté.
Kosa ni dévré pansé nou ? Èk plis ké 3 moun si 10 i rès atèr ? Tousa i toush an promyé bann fanm épi bann zèn.

La zénès... I koz bonpé si èl an s’moman ; i mont si son do a kou d’ladi lafé. La di azot i vo myé pa fé ryin, i sèrv pa ryin bouz dann somin. Kosa i antann pa ?
Mé la zénès-minm i amont anou lo somin la lite.

I di zot lé manipilé. Mé kisa lé asé for pou fé lèv tout nout zénès d’in kou ? Pa Justin an touka. La zénès lé kapab war par èl-minm lo malizé nou lé fouti dan. La zénès lé kab war lo mir. Pousa minm èl i rod désoté.

Pou zot malèr na bonpé domoun i di azot koma : kour dann l’inpass, rod pa débouzé, fons dodan ta war, ton koko lé dir, ta giny pasé. Kisa la di kozman gramoun i di touzour vré ?

Justin