An misouk la loi Perben i réform le kode pénal la rante an aplikasion iyièr. In véritab katastrof. Pou soidizan aksélèr le kour la zistis, réform-la va fini par koupe la tète le droi bann zitisiab !

Poukoué in prosé piblik èk din koté la défans’, de lot lakizasion é dann milié le ziz ? In perte le tan. In perte larzan. Mié vo plèd koupab mèm si zot lé inosan. La zistis’ rekonésante va soulaz zot pène, si le shan !!

Mintnan si zot i vé atoupri fé valoir zot linosans’, prépar azot pèy le retour d’baton. Dann Perben 2, le koupab - réel ou sipozé - ki plèd koupab, li, li lé asiré gingn an linosans’. Parkont pou le bann zinosan i rofiz plèd koupab, alor-la, lé sir zot sora, omoins’, koupab de lèz-mazistra !!!!

Justin