Moin la lir in lézann dsi bann martin péshèr : i paré banna, mal épi fémèl, i viv par dë. Si inn i mor, l’ot i lès ali mor galman. Mi pans pa d’moun i fé sa, an touléka, la majorité d’moun. Nana mèm in provèrb i di konmsa : inn ou la pèrd, dis ou i artrouv... I paré sé nout l’instin la konsèrvasyon i amen anou a viv konmsa, mèm si nou lé pa dévèrgondé san pour san. Ankor mi pans nana demoun konmsa, mé la pa tout kant mèm. Tout fason, in l’aféksyon i pé pran lo fon pou tout sort rézon néna dan la vi, é l’aféksyon i pé ronète avèk in n’ot demoun. Mé antansyon, i rès touzour kékpar dann fon out l’am épi out kèr in blésir, é si lo blésir i sèye sikatrizé la pa toultan ké li gingn. Alé ! Mi lèss azot réfléshi la dsi é i artrouv pli d’van sipétadyé.

*Kozman-la i sort dann liv la sazès malgash la parète l’ané 1967.