Sa in dikton y date. An ce tan là, té y di pa lamour. Lamour sa té in gro mo, in mo tabou. Pou parle lo sentiman amouré té di lamitié. alor poukoué lamitié y grinp pa dessi in bwa ? Pou moin sa y vé dir, ou shoizi pa pou tomb amouré. Sa in sentiman y tomb dessi ou, i arriv kom sa, san ke ou mêm ou konpran.

Dann tan lontan, bann mariaz té kontrolé ! Blan y marié pa ek nwar, malbar ek shinois lé kont nasion, …. Malgré toussa, malgré lé interdi navé domoun té i ème à zot et té viv ensanm. Alor Lo kréol, ke lé in lang y respekt linamité, la trouv in zoli manière esplik sa. Par dikton là, nout bann zansien té y ve dir ke toute fason ou va tombe amoureux in moun mêm, ké li lé nwar, blan, riss ou pov, li lé in moun kom toute domoun : out lamitié y grinp pa dessi in bwa mé dessi in not moun kom ou.

Alé ni artrouv.

Justin