Oté

« Lamour in moun lé dann son kèr »

In kozman pou la rout

Justin / 9 désanm 2019

JPEG - 43.6 ko

Médam, Mésyé, La Sosyété, koz èk moin sé koz èk in kouyon-sé o pyé d’lo mir k’i oi lo mason. Mi pans konm moin si zot lé momon, papa, papi, mami, souvan dé foi zot i antann zot zanfan sansa zot ti-zanfan apré di azot : « Mi yèm aou tout mon kèr ! » é sa –di pa moin non !-sé in kozman i fé plézir toulbon. Mé a bien kalkilé lo kèr la pa in boite vid i ranpli avèk l’amour. A bien kalkilé galman néna dé foi désèrtin i fé gran déklarasyon mé la pa pou sa zot lamour lé gran-an touléka la pa pou sa li lé pli gran ké sak i gard sa dann son kèr épi i fé pa gran déklarasyon. Lamour, d’apré sak mi koné, sa sé in santiman profon : i di pa mi èm aou (a la lézèr) défoi ni pé dir i sava san dir mé moin na in dalon i di lé myé kant mèm kan ou i di. Alor, mi kite azot rofléshi la dsi é ni artrouv pli d’van.Sipétadyé !