Mézami, mi di lang demoun, mé d’apré sak mwin la antann sé lang fanm mé mi profère pa di sa pars koméla i fo pi di sa i paré é anpliss koméla bann bononm zot ossi zote i bate la lang san fin. Souvan dé foi mi dmand dann mon kèr pou kossa i koz in bon pé kon msa ? Néna zafèr pou dir san sa sé konm in maladi ? Mé kansa la lang-la i gingn ropoz in pé ? Zamé toultan li travaye mèm ? Toultan li bate konm lam la mèr ? Kansa i prépar in pé dan la tète lo kozman pou di ? Zamé i prépar pa alor, i done paké san z’arété. In tan bann madam té i koz in bon p é zot gramoun dann son kèr téi di : la lang la poinn frin sa sé in mouvman pèrlétyèl, kèkshoz i arèe pa zamé. Mwin pèrsonèl, mi yèm bien koz avèk mwkn mèm, rofléshi avèk mwin mèm é si mi étime néna in l’idé i vo lo kou, ébin mi ékri ali - mi mark Justin dossou é lé bon pou sa mèm. Alé Mi kite azot rofléshi la dsi é ni artrouv pli d’van. Sipétadyé.