Kèl kantité larjan bann péi i mèt dan la gèr ? Sirman i kont par million sansa par milliard l’ëro shak l’ané. Ala pa k’George Bush, lë prézidan bann zamérikin, i di son kongré, la pa’ssé mèt ankor in bon takon million pou fé la gèr dann l’Irak épi dann l’afghanistan. Total, péi-la la fine dépanss 700 milliard depü lo bann gèr la komanssé.

Souvan dé foi, mi antan demoun i di : « Avèk tousala larzan noré pï soulaj la mizèr dann mond. Larjan pou la gèr, sa larjan jété sa. »
Lé vré konm pa. Lé vré si ou kalkïl sa larjan l’inpo i pèy së bann dépanss-la épï sa i raport pa arien lo bann zamérikin, mem pa la pé.
Lé pa vré si i kalkil tousa larzan bann kapitalis i ramass : dépi sak i fé bann zarm épi tousa matériel la bézoin pou in gèr modern, sak i fé transpor, sak i amen lo ravitayman....

Larzan la gèr sé in larjan jété, mé la pa in larjan pèrdï pou toulmoun.

Justin