Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo vré masson.

Mézami, dann toute lang, néna provèrb i anparl larzan .Dann la lang kréol mèm néna plizyèr konm par ébzanp « larzan i trouv pa sou galé  » osinona « larzan i ramass pa sou pyé d’boi ». Toute fasson i fo pa kass la tète avèk sa vi ké larzan i fé pa lo bonèr.

Mi antan déza in pé apré di « mé li kontribi » mé sa sé in n’afèr i bote pa mwin ditou pars lo bonèr sé kékshoz lé an ou, lé an mwin , lé an toué kékshoz k’i fé ké ni apartien pa la rass zan ki plèr, mé a sète zan ki ri. Konm ki diré kékshoz konm in baktéri, sansa in sékans l’arn nou la gingn an néssan.

Mi koné pa kossa zot i anpanss, mé mwin mi oi sa konmsa é zot ? Kalkil in pé épi zot va oir.

Apli d’van, sipétadyé.