Mézami, mi panss zot i koné konm mwin kozman-la. Antouléka, zot i koné doulèr pèrde larzan pou déssèrtin i yème sa plisské zot famiy, mèm zot prop santé épi zot trankilité. Déssèrtin i di pèrde avèk doné la pa parèye : kan wi done wi koné avèk kissa la parti…

Si wi pèrde, traka i monte dsi ou é wi fé toute sorte kalité sipozission : kossa mwin la fé avèk sa ? Kèl koté mwin la mète sa ? Kèl filou la pass inn min dann mon posh ? Sa i tourn, sa i tourn an boukl dann out tète é i fo lo tan pou fé out dèye-fason d’parlé. Avèye in moune la pèrde in moné é sirésèrtin ou va konprann ali myé : son fristrasyon, son difikilté pou klass san suite, son sispissyon par raport lo moune zalantour. Talèr li lé riskab rogarde toute demoune gro zyé.

Alé ! Bon pou sa mème, é mi kite azot rofléshi la dsi. Ni artrouv pli d’van. Sipétadyé.

Justin