Lobstinasion dann la démolision bann zavantaz sosial lé byin la mark gouvèrnman l’UMP. Apène le mové réform si lasirans’ maladi lé voté, le minis la santé i ménas’ déza !

Si le déranboursman bann fré d’santé i ramène pa asé larzan, li va mèt an plas’ in “fransiz”. Rotromandi, si sak soin d’santé, bann zasiré sra oblizé pèy in forfé. Inpé konm pou in lasirans’ loto !!

Ousa nou lé randi, don ? Apré le ero soidizan sinbolik, ala in “fransiz” pirk sinbolik. Le sinbol in gouvèrnman i vé atoupri kilpabiliz é fé pas’ a la kès’ bann zasiré sosial. Dann lo mèm tan, konm par azar, i parl siprime linpo si la fortine !!!<

Justin