Si zot la bien fé la romark i diré demoun kan néna in plézir zot la zamé asé. Zot i voudré mèm lo plézir i kontinyé ankor épi ankor é ké néna pi d’fon. Pou kosa ? Pars lo moun lé konmsa kan zot lé anparmi. La zamé asé, i fo mète ankor. Mi pans, konm moin zot i koné d’moun konmsa é zot i koné dann plézir pou zot la pi d’fin. Plézir ? Sa i dépann : i pé z’ète plézir pou l é z’inn é moins pou d’ote mèm in pèrt tan. Pou sèrtin dann tout néna in gou d’pa zasé, mé pou d’ot konm i di zot lé plin dopi lontan kan zot i komans domandé k’i arète lo fime. Moin pèrsonèl, sak demoun i konsidèr konm in plézir souvan dé foi sa i fatig amoin vèye pa. Akoz sa i fatig amoin ? Pars shakinn néna son kraktèr é sak i plé inn i déplé in n’ot. Alé ! Mi kite azot rofléshi la dsi é ni artrouv pli d’van sipétafyé.