Oté

« Lé bon konm pa ! »

In kozman pou la rout

Justin / 24 févrié 2018

JPEG - 43.6 ko

Kan ou i poz in moun in késtyon é kan li réponn aou kozman moin la mark an-o la, ou i pé dir la pèrsone lé pa d’akor avèk ou san pour san. An touléka, èl i invite aou soupèz lo pour avèk lo kont… Final de kont, tout z’afèr lé konmsa : néna lo bon épi néna lo pa bon. La vi lé konmsa : bon san pour san na poin, mové san pour san na poin non pli. I ariv mèm ou i pé lans aou dann in prozé avèk l’idé ou i sava fé kékshoz bien épizapré ou i apèrsoi lé pa bien konm ou té i kroi. Lété pa si tèlman bien ké ou téi atann. Mi souvien in kamarad moin téi koné ali bien é son kozman lété : dann tout mal néna in bien. Mé li téi di galman dann tout bien néna in mal. Sa sé in n’afèr pou fé kalkil aou sa ! Alé ! Mi lèss azot rofléshi la dsi é ni artrouv pli d’van sipétadyé.