(page 16)

Dann in rèv li la fé - deboute, dovan détroi patron La Guadeloupe -, Brigitte Girardin la vi "toute bann pèp départman loutremèr vote an mass “oui” pou référandom si la Konstitision éropéène". Dopi le tan l’UMP i pran le shok dann zélèksion outremer, mi konpran li na lanvi révé !

Mé konm li pé pa konté si son prope laksion ou si sat son bann kamarad sir plass - l’UMP èk le P.S. - pou éspèr in tèl rézilta, li préfèr pran son prékosion. I fo bien “alimante” le rèv ! !

Kan na inpé i distribi fèy’tol, Brigitte Girardin i préfèr azite in shèk l’Europe pou bann plantèr banane. Amonlavi, li pé rèv ankor lontan si li pans’ bann plantèr zantiyé va shante èk li : "j’ai deux amours, la banane et l’Europe"... ! ! !

Justin