Dann in péi, lavé in gouvèrnèr. Gouvèrnèr-la lavé mat in plan pou sèy donn la provins, tout sak i mank konm pli nésésèr. Larzan té la, larshitèk té la, navé lantrepriz, navé zouvriyé. La majorité dmoun té dakor. La Rène lavé di, èl té dakor ; son minist dé finans té paré pou tir larjan.

Lavé in pé bann vaza-grokèr téi ve pa së plan-la : pa pou rézon le plan té pa bon, mé akoz lavé poin asé lonèr pou zot.
Zot la parti oir la Rène, loin la-ba, dann son gran palé, épi zot la di aèl : ma Rène, tousa larjan-la pou in simp provins, sa sé gaspiyé ; jamé le pèp va gingn ranbours larjan anprété. Out roiyom nana difikilté. Ou oi pa, ma Rène, sa in manièr pou tèrni out gloir, sa.

Ma Rène I fo kas plan-la !
Kosa la Rène la fé apré ? Mi koné pa, akoz la pankor ékri la finission le zistoir. Sak mi koné, in manièr-fé konm sa, lé riskab mèt le plan dann danjé. I pë bat lavnir atèr.

PS. La Rénion la poin gouvèrnèr. La Frans la poin la Rène. Konséyé grokèr, sa néna.

Justin