Mézami, si mi di azot pou fèr sinp sé la kroi é la banyère dann in pé toute sorte de shoz. Poitan, zot i pé mazine, fèr sinp sé in n’afèr natirèl, k’i koul de sours, i vien toutsuit, natirèlman. Mé malorozman nout formassion é lo zabitide la sossyété i amontr pa nou pou fèr sinp.

Si ni vé fèr sinp souvan dé foi i fo ni fors noute natir, ni invante, ni kalkil, épi ni di toultan : sak mi fé lé assé sinp, pou demoune konprande, assé sinp pou rofé ankor in kou si i fo. L’èr-la si ni ariv o bite ni pé ète kontan, pars nou la forssé mé nou l’arivé.

Alor mézami, mi kite azot rofléshi la dsi é mi promète azot dir azot domin, pou kossa, d’apré mwin, fèr konpliké lé pli sinp. Alé ! Ni artrouv pli d’van, sipétadyé.

Justin