Yèr mwin la ésplike azot koman té konpliké pou fèr sinp. Mi koné pa si zot la bien konprande amwin épi si zot néna mèm avis ké mwin mé zordi mwin néna la rossète pou fé konpliké. El lé sinp.

Dabor i fo ou néna léspri konpliké é sa sé in n’afèr bonpé d’moune néna é si ou na pwin bande zidé klèr lé sirésèrtin wi sava fèr, sansa dir, kékshoze demoune nora difikilté pou konprande. Dézyèmman, wi domande lo moune forssé pou konprande touzis si wi taks pa zot d’ète paréssé ébin la ou lé bien parti pou fé in n’afèr i konpran pa.

Poitan, si néna in paréssé sé sète i propoz kékshoze lé pa bien fini, lé pa klèr dann oute léspri donk sé ou lotèr si sak ou la fé lé pa sinp.

Alé ! Mi kite azot rofléshi la dsi é ni rotrouv pli d’van, sipétadyé.

Justin