Témoignages - Journal fondé le 5 mai 1944
par le Dr Raymond Vergès

Cliquez et soutenez la candidature des Chagossiens au Prix Nobel de la Paix

Accueil > Chroniques > Oté

Lé pa défandi komansé !

lundi 28 décembre 2009, par Justin

Na poin lontan, in kamarade la di amoin... demoun dé foi, i antann i n’afèr mé i pran pa konte... i diré zot i konpran pa koman déssèrtinn z’afèr i pé shanz z’ot vi, an byin, sansa an mal.. so kou issi, an mal. Par raport, i paré in bann péi L’Azi la déside diminyé la kantité d’ri zot i plante o-moins karant pour san. Pou kossa ? Pars, solon zot, zot i anpèrde larzan pou déporte z’ot prodiksyon.
In n’afèr konmsa lé mol, pars manzèr dé ri, sa i anmank pa déssi la tèr, é o-moins nora, o-plis lo pri va goumanté, é o-plis lo pri va goumanté, o-plis nou nora poin larzan pou ashté : nou, épi lé zot, sak nana ti pé larzan é sak lé vréman dann l’okisité. Mon dyé momon, koman zot va fé ? Pars koman-koman, in moun si li vé viv, li lé dann l’obligasyon ranpli son bouzaron. Li va manz d’ote shoz ? Byin bon, sa kouzin, mé se d’otshoz-la, sa va goumanté ossi. Arzoute èk sa, ravaz-konblaz, sa lé bon pou in pé d’tan, v’ariv in zour nou va réklame nout ri. E lé riskab na pi. Alors ?
Alors, nout parti dann son program i anparl la sifizans manzé, par lo ko-dévlopman avèk nout bann voizin. Sa mèm i fo fé, mé konm di lo konte sa i fé pa èk la krash, é sirtou pa an in zour. Solman, mé lé pa défandi komansé !

Justin


Un message, un commentaire ?

signaler contenu


Facebook Twitter Linkedin Google plus