Lavé inn foi, in roi la dmann son lintandan fé kui pou li sak lé plis méyèr. La fé kui la lang tout sort fason. Komansman, le roi la bèk-béké. Alor, li la di fé kui pou li le plï pir. L’ardone ali la lang préparé tout sort fason. Lo roi la di, li lé ragoulé.

Lé vré pou la lang demoun, lé vré osi dann la radio ofisyèl épi dann bann télé. I fo oir banna, tri sak zot i apèl lo kandida favori, lo poi lour, lo laoutsidèr. I fo oir azot kont lo bann moun i vien konm i vien pa bann rénion ; zordi na san, demin matin dé san sansa le kontrèr. M’a donn azot in bon téknik : kont le nonb bann pat, aprésa diviz par dé. Pou pa tronpé, arkont in dézyèm foi !

Kansa nou nora in radio avèk in bann télé va prézant lé shoz konm ki fo. Moin na linpréssion la pa demin la vèy. I pouré solman èt in pé moin pli pir !
An atandan, si la késtionn’manzé, mi kroi si moin lavé été le roi, moin nora demann de ri, rogay tomat avèk la mori griyé. Sé sa le plï méyèr !

Justin