Lot soir, dann déba RFO-Radio, le roprézantan la Fédérasion lo P.S. té fé inpé pitié. Li la ésèy kontourn la rèsponsabilité son parti si transfèr bann TOS, an dénonsan... sat i di la vérité. Selon li, “Témoignages” sé in fèy le shou” !

Mé, o pasaz, li konfirm sé byin lo P.S. nasional - Hollande antèt - la poz lo rokour dovan le Konsèy konstitisionèl é rokour-la té viz byin le sispansion le transfèr bann TOS dann lé DOM. Pou li, i pé pa di sé in fote le PS. Pétèt, é ankor touzist in... lérèr. Kant a konèt si zot lété o kouran, isi, si sat zot bann gran frèr té fé laba, ni atann touzour la répons’ !!

Rotromandi ; li konfirm poin par poin lanaliz nana dann “Témoignages”. Pou in soidizan “fèy le shou”, lé pa mal non ? Amonlavi, sé plito le P.S. lé dann lé shou. Parlfèt, ousa i lé Vergoz ?...!!!!

Justin