Zot la vi kosa la èspasé, laba an Frans, dann laréropor Charles de Gaulle-Roissy ! In pasrèl i dégringole é, oboute, 4 mo et sépa konbiyin blésé. Lo pli dir sèk nou la pas’ koté in katastrof pli grav ankor. Mazine sèlman sa té ariv in lèr domoune té grouiy pou pran laviyon !
Pourtan, Roissy la pa ninportékèl kaniki laréropor. Sé mèm inn dé pli gran dann tout lo kontinan éropéen. Pli nèv, pli modern, bann gran-gran linzéniyèr la travay ladsi. Rotromandi, sat la rive-la i pé ariv si ninportékèl konstriksiyon ayier !!
Sa i armonte anou, anou Réniyoné i fo nou lé ankor pli vizilan parapor sat i konstruiy dann nout péi. In prékosiyon lé zamé antro. É la mi voi, sirtou, koman désertin lété ridikil kan zot té kri sak foi té anons lo finansman in létide pou viabiliz in louvraz !!!

Justin