Kan konsèy réjional avèk l’Etat la tonm dakor pou finans lë tram-train épï la rout an kornish, bann moun dann süd épï dan lèst, daoir la panss zot té apré fé in mové rèv. Koss ? Bann dëmoun dëpï Sinpol ziska Sint-mari noré voiyaz dann tram-trin, san lanboutéyaj, an vitèss, alèz-blèz, épï zot noré jis lë droi sïss goudron épï pèrd zot tan sü la rout.

Pou mon par, moin lavé majine bann zéléktèr noré té paré pou arash lë kro bann mèr té vé pa lë tram-trin dann zot komine, lèrk zéléksion nora arivé. Sïrtou kan moin la antann prézidan konsèy réjional apré di dann télé, si bann mèr i vë vréman le shëniy-an-fèr, zot i anvoy in lèt sinon in fax pou di.

Astèr, mi oi lé shoz l’apré shanjé dann süd : bann mèr Sin-Lë, Tan Salé, z’aviron, Sin-Pièr épi konsèy réjional i réïnï pou diskïté. I fo dir, oir in pon kass an karé konm tablèt shokola, sa i fé réfléshi, mem bann tèt dir, mem sak la manj la poud fïzï épï la pèrd la rézon. In bon siklone, sa i tir brouyar dan la tèt !
Ti-lamp, ti-lamp, tram-train i fé son shëmin !

Justin