Médame zé méssyé, la sosyété koze èk mwin sé koze èk in kouyon mé sé o pyé d’lo mir k’i oi lo vré masson. Mézami, ni kontinyé zordi noute batkaré dann bande provèrb Haïti. Sète-la i okipe lo ka lo mansonz. Zot i koné néna in bonpé dann toute bande lang kozman dsi lo mansonz-mi rapèl in provèrb bande zalman téi di konmsa : lo mansonz la pate lé kourte. Toussala pou di, wi pé manti mé i pé trape aou, obliy pa sa : pou inn lo trou lé pa kré, donk lé fassil pou débiské.pou l’ote, la pate lé kourte donk lé fassil pou souk aou. Antouléka, zot i koné lé pa konséyé d’manti é sak lé konséyé sé dir la vérité. Sof si sé pou fé gingn aou zannui é lo kode pénalli même i done aou lotorizassion manti, san prète sèrman, si solon oute konsyanss sa lé bien nésséssèr. Oir zot mèm kan i fo di la véité é kan i fo aranze in pé la vérité. Astèr, mi lèss azot rofléshi la dsi é ni artrouv pli d’van. Sipétadyé.

NB-Twou manti pa fon : proverbe haïtien