Mézami lo mond i shanj épi lé bien vré : li pé mèm shanj bonpé, kissoi an bien, mé li pé ossi shanj an mal, é si ni souète li shanj an bien, nou lé pa sir nou néna lo moiyin pou anaoir in shanjman konm ni vé.

Shanjman oui, mé la baz i rèss parèye. Sé sak in provèrb l’Afrik i éplike anou dann son grande sazèsse. Mé ni pé kant mèm domande anou, si afors shanj lé shoz, i ariv ar pa in zour ni pé gingn dé shoz ni atande pa. Mi di pa sa pou fé pèr azot mé pou l’instan noute provèrb konm li lé li tienbo la rout.

Alé ! An atandan, ni artrouv pli d’van, sipétadyé.

Justin