Oté

« Lé z’arm in n’afèr, manyé ali in n’ot »

In kozman pou la rout

Justin / 18 avril 2018

JPEG - 43.6 ko

Antansyon, kan mi di sa, mi vé pa anparl lo bilan bann tir la frans dsi la Siri pars sanbléré la kout shèr épi konm i di noré fé shou blan… Mi vé solman parl in kozman moin la antann dopi lontan isi La Rényon. Sa i komans par in bataye madam zis dovan la kaz : inn l’atak l’ot épi sé li k’la tonbé pars li la anvoye lo poin, lo pyé, la tète tout an mèm tan san rézilta d’apré sak moin la konstaté. Sé sak i fé dir amoin kozman moin la mark an-o la néna in fonn vérité, pétète plis. Sak i fé dir amoin lo méyèr z’arm i fé pa lo méyèr solda. Donk ankor : an aoir lo moiyin épi bien ansèrv ali i pass pa touzour par lo mèm shomin. Alé ! Mi kite azot pou rofléshi la dsi é ni artrouv pli d’van. Sipétadyé !