Oté

« Lékol i amontr aou rézoud bann problèm pèrsone noré pa poz aou ! »

In kozman pou la rout

Justin / 14 out 2018

JPEG - 43.6 ko

Kan ou i lir in liv lontan, ou lé a d’mandé ousa banna téi tir sa. Problèm lé konpliké, é pou trouv bann problèm-la mi pé dira ou i fo ou néna l’épri konpliké. Mi ansouvien bien problèm lo trin : inn i sort in gar uitèr d’matin, l’ot i sort l’ot gar mèm. Kèl vitès i fo inn é l’ot i sava pou kroizé vèr névèr é dmi 60 km in vil é karant kilomète l’ot. Alé rodé ou ! Lo pli pir la-dan sé ké bann marmaye fin d’étid té i ariv fé lo problèm. In pé i ariv… in pé i gingn somèye… inn dé i sava kabiné épi i ar-rant dann la klass kan zot i gingn in tan. Si ou i armète la dsi in bon problèm robiné k’i fui, zot i pé konprann doulèr marmaye dann tan-la. Alé ! Mi kite azot rofléshi la dsi é ni artrouv pli d’van. Sipétadyé !