Si na in zournal pou ki la liberté lèksprésion nana in konténi pliske konkré, sé bien “Témoignages”. Zournal-la, la été sézi pardsi sézi é, zordi ankor, na ankor inndé i rèv kloute son bèk !

In vié rèv ! Listoir La Rénion i amonte sifizaman la pa posib kloute la liberté. Kozman nout zournal la zamé oté osi for k’zordi. É mèm si son léspas’ lé inpé rédui, léko nout lékri-kozé i répann ali partou !!

Mé lé vré, dann nout batay pou la liberté, ni monte pa forséman si le promié sheval veni. O non la liberté, ni sar pa rod batay pou le plézir batay. La liberté pou nou, sé le bann liberté ni arash firamézir, kont téni bann zobstak nana dovan nou !!!

Justin