Lariv lèr pou alé, in bon pë vyé kamarad i sava inn apré l’ot. La vi sü la tèr, mem si èl lé long pou déssèrtin, i fini par trouv son boutt. La mor, sa i doi konm di kréol.

Si banna la guingn lë tan pou gard in pë an aryèr, mi panss dann fonn zot kèr, zot lé kontan pou zot parkour sü la tèr, pou sak zot la fé pou zot péi, pou zot pèp, pou zot bann famy. Dizon, pou la plïpar zot la viv pou dmoun avan viv pou zot, zot la rod lë bien pou dmoun avan rod in nafèr pou zot mem.

Zot la konèt lë kontantman oir la loi sü la départmantalizasion. Zot la konèt la kolèr oir bann aspèrkui pran pou zot sak zot la pa fé. Zot la konèt la répréssion, la frod dann zéléksion, déssertin la konèt la prizon. Solman zot la marsh dëbout, zot la pa bèss la tèt. Zot la prépar la rëvansh épi zot la pa pèrd léspoir oir la rëvansh arivé.

Ala pou kossa, sëlon moin zot i pé èt kontan avèk zot mem kan lèr pou alé l’arivé.

Justin