Désidéman, la gèr an Irak, zour apré zour, i anfini pi dévèrs si nou son lo d’zimaz pli insiportab lé zine ke lé zot. In zimaz - konm an répons - i shas lot zimaz é, o firamizir, ni dékouv in réalité pa posib. In péi plonzé dann in barbari san non !
Apré le séri d’foto si lo bann prizonié irakyin tortiré, mitilé, imilié sèksièlman é, défoi, asasiné..., voila i amont anou in bann Zirakyin i koup la tète in sivil amérikin, konm si zot té fé sote la tète ninportékèl kabri.
Aromarké, dopi la télé la amont anou le manièr la tir Saddam Hussein konm in ra
dann son trou, totalman gazé, la fouy dann son boush konm té fé èk bann zèsklav dann tan lontan, la mès lété di.
Mé ousa limanité i sava konmsa...?!!!

Justin